കോട്ടയം: കേരളാ കോണ്‍ഗ്രസിന്റെ സ്റ്റിയറിംഗ് കമ്മിറ്റിയില്‍ രൂക്ഷ വിമര്‍ശനവുമായി പാര്‍ട്ടി വൈസ് ചെയര്‍മാന്‍ പി.സി. ജോര്‍ജ്. പാര്‍ട്ടി നടുക്കടലില്‍ മുങ്ങുകയാണെന്നും അതിനുള്ള കാരണം എല്ലാവര്‍ക്കുമറിയാമെന്നും ജോര്‍ജ് യോഗത്തില്‍ പറഞ്ഞു. ഇതിനുള്ള പരിഹാരം ആലോചിച്ചു കണ്ടുപിടിക്കണം.പ്രശ്‌നങ്ങള്‍ ഒന്നോ രണ്ടോ മണിക്കൂര്‍ ചര്‍ച്ച ചെയതാല്‍ തീരല്ലെന്നും ഒരു ദിവസം മുഴുവന്‍ ചര്‍ച്ച ചെയ്യണമെന്നും അദ്ദേഹം വ്യക്തമാക്കി.
യോഗത്തില്‍ ബാര്‍ കോഴ പ്രശ്‌നം ചര്‍ച്ച ചെയ്തില്ലെന്നും അത് പിന്നീട് വിശദമായി ചര്‍ച്ച ചെയ്യുമെന്നും കാര്‍ഷിക പ്രശ്‌നങ്ങളാണ് ഇപ്പോള്‍ പ്രധാനമായും ചര്‍ച്ച ചെയതതെന്നും പി.സി ജോര്‍ജ് മാധ്യമങ്ങളോട് പറഞ്ഞു.
