പൂനെ: പൂനെ ഫിലിം ഇന്‍സ്റ്റിറ്റ്യൂട്ട് ഡയറക്ടറായി പ്രശാന്ത് പത്രാബെയെ നിയമിച്ചു. നിലവില്‍ നാഷണല്‍ ഫിലിം ആര്‍ക്കെവ്‌സിന്റെ ഡയറക്ടറാണ് പ്രശാന്ത്. 1992 ബാച്ച് ഇന്ത്യന്‍ ഇന്‍ഫര്‍മേഷന്‍ സര്‍വീസ് ഉദ്യോഗസ്ഥനാണ് പ്രശാന്ത് പത്രാബെ. ദൂരദര്‍ശനിലും മുംബൈ ആകാശവാണിയിലും അദ്ദേഹം പ്രവര്‍ത്തിച്ചിട്ടുണ്ട്. പൂനെ ഫിലിം ഇന്‍സ്റ്റിറ്റ്യൂട്ട് ഡയറക്ടറായ ഡി.ജെ നരെയ്‌ന്റെ കാലാവധി ജൂലൈ പതിനെട്ടിന് അവസാനിക്കും.
ബി.ജെ.പി നേതാവ് ഗജേന്ദ്ര ചൗഹാനെ ചെയര്‍മാനായി നിമച്ചിതിനെതിരെ വിദ്യാര്‍ത്ഥി സമരം തുടരുന്നതിനിടെയാണ് പ്രശാന്ത് പത്രാബെയുടെ നിയമനം. വിദ്യാര്‍ത്ഥി സമരത്തിന്റെ പശ്ചാത്തലത്തില്‍ ഗജേന്ദ്ര ചൗഹാന്റെ നിയമന അഭിമുഖം കേന്ദ്രസര്‍ക്കാര്‍ മാറ്റിവച്ചിരുന്നു.
