ബാംഗ്ലൂര്‍ ഡേയ്‌സിന്റെ റീമേക്കില്‍ സാമന്തയ്ക്ക് പകരം ശ്രീദിവ്യ നായികയാവുന്നു. മലയാളത്തില്‍ സൂപ്പര്‍ ഹിറ്റായ ബാംഗ്ലൂര്‍ ഡേയ്‌സ് തമിഴിലും തെലുങ്കിലും നിര്‍മിക്കുന്നുണ്ട്. ചിത്രത്തിലെ നായകന്‍മാരില്‍ ഒരാളായ സിദ്ധാര്‍ഥുമായുള്ള പ്രണയം തകര്‍ന്നതിനെ തുടര്‍ന്നാണ് സാമന്ത പിന്‍മാറിയത്. ഇതോടെ സിദ്ധാര്‍ഥും സിനിമയില്‍ നിന്നു പിന്‍വാങ്ങി. ബൊമ്മരലു ഭാസ്‌കറാണ് സംവിധായകന്‍. തെലുങ്കിലും തമിഴിലും നിരവധി സിനിമകളില്‍ അഭിനയിച്ച ശ്രീദിവ്യ വെറുത്തപെടാത്ത വാലിഭര്‍ സംഘമെന്ന ചിത്രത്തിലൂടെയാണ് ശ്രദ്ധിക്കപ്പെടുന്നത്. ശിവ കാര്‍ത്തികേയന്‍ നായകനായ കാക്കി സട്ടൈയാണ് ശ്രീവിദ്യയുടെ അടുത്ത് പുറത്തിറങ്ങാനുള്ള സിനിമ. ആര്യ, നിത്യമേനോന്‍ എന്നിവരാണ് ബാംഗ്ലൂര്‍ ഡേയ്‌സിലെ മറ്റു താരങ്ങള്‍.
ബാംഗ്ലൂര്‍ ഡേയ്‌സിന്റെ റീമേക്കില്‍ ശ്രീദിവ്യ
