മമ്മൂട്ടിയെ കേന്ദ്ര കഥാപാത്രമാക്കി കമല്‍ സംവിധാനം ചെയ്യുന്ന പുതിയ ചിത്രത്തിന് ഉട്ടോപ്യയിലെ രാജാവ് എന്ന് പേരിട്ടു. ജ്യുവല്‍ മേരിയാണ് നായിക.
ഗ്രാന്റേ ഫിലിം കോര്‍പ്പറേഷന്‍സിന്റെ ബാനറില്‍ ഹസീബ് ഹനീഫ്, നൗഷാദ് കണ്ണൂര്‍ എന്നിരാണ് ചിത്രത്തിന്റെ നിര്‍മ്മാണം. തിരക്കഥയും സംഭാഷണവും പി.എസ്. റഫീക്ക്
ജോയ് മാത്യു, നന്ദു, സുനില്‍ സുഖദ, പാഷാണം ഷാജി എന്നിവര്‍ക്കൊപ്പം മലയാളത്തിലെ മറ്റു പ്രമുഖ താരങ്ങളും ഈ ചിത്രത്തില്‍ അഭിനയിക്കുന്നു. ഛായാഗ്രഹണം നീല്‍ ഡി. കുഞ്ഞ നിര്‍വഹിക്കുന്നു. റഫീക്ക് അഹമ്മദിന്റെ വരികള്‍ക്ക് ഔസേപ്പച്ചന്‍ സംഗീതം പകരുന്നു.
മെയ് പതിനാലിന് തൊടുപുഴയില്‍ ചിത്രീകരണം ആരംഭിക്കും. തിരുവനന്തപുരം മറ്റൊരു ലൊക്കേഷനാണ്. ഓണത്തിന് പ്ലേ ഹൗസ് ഉട്ടോപ്യയിലെ രാജാവ് തിയേറ്ററില്‍ എത്തിക്കും.
