ബാഴ്‌സലോണ: മൊബൈല്‍ വേള്‍ഡ് കോണ്‍ഗ്രസിന്റെ മികച്ച സ്മാര്‍ട്ട്‌ഫോണിനുള്ള പുരസ്‌കാരം ആപ്പിള്‍ ഐഫോണ്‍ സിക്‌സിനും എല്‍ജി ജി ത്രീയ്ക്കും. മൊബൈല്‍ വിദഗ്ധരായ മുന്നൂറോളം പേരുടെ അഭിപ്രായം പരിഗണിച്ചാണ് പുരസ്‌കാരങ്ങള്‍ നിര്‍ണയിച്ചത്.
ലോകത്തെ മൊബൈല്‍ ഫോണ്‍ നിര്‍മാതാക്കള്‍ തങ്ങളുടെ ഉല്‍പന്നങ്ങളുമായി എത്തുന്ന വേദിയാണ് മൊബൈല്‍ വേള്‍ഡ് കോണ്‍ഗ്രസ്. കഴിഞ്ഞദിവസം സമാപിച്ച കോണ്‍ഗ്രസില്‍ അനുബന്ധ സേവനങ്ങള്‍ക്കും ഉപോല്‍പന്നങ്ങള്‍ക്കുമുള്ള പുരസ്‌കാരങ്ങളും പ്രഖ്യാപിച്ചു.
അസ്ഫാള്‍ട് എട്ടിന്റെ ഗെയിം ലോഫ്റ്റും എയര്‍ബോണും മികച്ച മൊബൈല്‍ ഗെയിമിനുള്ള പുരസ്‌കാരം നേടി. എംനെറ്റ് മൊബൈലിന്റെ ഗെയിം ഓണ്‍ മികച്ച നവീന മൊബൈല്‍ ആപ്പിനും ബെസ്റ്റ് ഓവറോള്‍ മൊബൈല്‍ ആപ്പിനുള്ള പുരസ്‌കാരം ഐഎഫ്ടിടിയും നേടി.
ഏറ്റവും കുറഞ്ഞവിലയിലെ മികച്ച സ്മാര്‍ട് ഫോണിനുള്ള പുരസ്‌കാരം മോട്ടോ ഇയ്ക്കു ലഭിച്ചു. മൈക്രോസോഫ്റ്റ് സര്‍ഫസ് പ്രോ 3 ആണ് മികച്ച മൊബൈല്‍ ടാബ്ലെറ്റ്. മികച്ച മൈബൈല്‍ സേവനദാതാക്കളായി ഭാരതി എയര്‍ടെല്ലും തെരഞ്ഞെടുക്കപ്പെട്ടു.
