മിക്കി മൗസിന് ഇന്ന് 86ാം പിറന്നാള്‍. ആദ്യകാല ശബ്ദ കാര്‍ട്ടൂണ്‍ ആയ സ്റ്റീംബോട്ട് വില്ലീ (1928) എന്ന ഹ്രസ്വിചിത്രത്തിലൂടെയാണ് മിക്കി മൗസിനെ ഡിസ്‌നി പരിചയപ്പെടുത്തുന്നത്. സ്റ്റീംബോട്ട് വില്ലി പുറത്തിറങ്ങിയ ദിവസമായ നവംബര്‍ 18, 1928 ആണ് ഡിസ്‌നി കമ്പനി ഈ കഥാപാത്രത്തിന്റെ ജന്മദിനമായി ആഘോഷിക്കുന്നത്.
മനുഷ്യസ്വഭാവമുള്ള ഈ മിടുക്കന്‍ എലി അനിമേറ്റഡ് കാര്‍ട്ടൂണുകളിലേയും കോമിക് സ്ട്രിപ്പുകളിലേയും ഒരു കഥാപാത്രം കുട്ടികള്‍ക്കും മുതിര്‍ന്നവര്‍ക്കും ഒരുപോലെ ഇഷ്ടപ്പെടുന്നു എന്നതും ശ്രദ്ധേയം. തരംഗമായി മാറിയ പത്തോളം മിക്കി മൗസ് കാര്‍ട്ടൂണുകള്‍ ഓസ്‌കാറിന് മികച്ച അനിമേഷന്‍ ഷോര്‍ട്ട് ഫിലിം വിഭാഗത്തില്‍ പരിഗണിക്കപ്പെട്ടിട്ടുണ്ട്. അതില്‍ ലെന്‍ഡ് എ പൗ എന്ന ചിത്രത്തിന് 1941ല്‍ ഓസ്‌കാര്‍ ലഭിക്കുകയുണ്ടായി.
1928 ല്‍ വാള്‍ട്ട് ഡിസ്‌നി, യൂബി ല്വെര്‍ക്ക് എന്നിവര്‍ ചേര്‍ന്നാണ് മിക്കി മൗസിനെ സൃഷ്ടിച്ചത്.
