തൃശൂര്‍: ചന്ദ്രബോസ് വധക്കേസിലെ പ്രതി മുഹമ്മദ് നിസാമിനെ ബംഗളൂരുവിലെ കോടതിയില്‍ ഹാജരാക്കി. ബംഗളൂരു കോടതിയുടെ പ്രൊഡക്ഷന്‍ വാറണ്ടുമായാണു കര്‍ണാടക പൊലീസ് വിയ്യൂര്‍ ജയിലില്‍ നിന്നും നിസാമിനെ അതീവരഹസ്യമായി ബംഗളൂരുവിലേക്കു കൊണ്ടുപോയത്.
ബംഗളൂരുവിലെ കബന്‍ പാര്‍ക്ക് പൊലീസ് രജിസ്റ്റര്‍ ചെയ്ത കേസിലാണു നിസാമിനെ ഹാജരാക്കിയത്. എന്നാല്‍ തിരികെ നിസാമിനെ കേരളത്തിലേക്കു തിരിച്ചുകൊണ്ടു വരുന്നതിനെക്കുറിച്ചു കേരള പൊലീസിനു ധാരണയില്ല. ഇതു കോടതി നടപടി ക്രമത്തിനനുസൃതമായിരിക്കുമെന്നും പൊലീസ് ഉദ്യോഗസ്ഥര്‍ പറയുന്നു.
