സെക്കന്‍ഡ് ജനറേഷന്‍ മോട്ടോ ഇയുടെ 4 ജി വേര്‍ഷനുമായി മോട്ടറോള വരുന്നു. 145 ഗ്രാമാണ് ഫോണിന്റെ ഭാരം. 9228 രൂപയാണ് വില എന്നാണ് അറിയുന്നത്.
1.2 ജിഗാഹെര്‍ട്‌സ് ക്വാര്‍ഡ് കോര്‍ 64 ബിറ്റ് ക്വാല്‍കോം സ്‌നാപ് ഡ്രാഗണ്‍ 410 പ്രോസസറാണ് ഫോണില്‍. 4.5 ഇഞ്ച് ഡിസ്‌പ്ലേയുള്ള ഫോണില്‍ കോര്‍ണിങ് ഗൊറില്ല ഗ്ലാസ് 3യാണ് ഉപയോഗിച്ചിരിക്കുന്നത്. ആന്‍ഡ്രോയിഡ് ലോലിപോപ്പ് ഒഎസാണ് ഫോണില്‍.
വിജിഎ ഫ്രണ്ട് ക്യാമറയും ഓട്ടോ ഫോക്കസുള്ള അഞ്ച് മെഗാപിക്‌സല്‍ ക്യാമറയുമുണ്ട്. വണ്‍ ജിബി റാം ഉള്ള ഫോണിന് 32 ജിബി വരെ എക്‌സ്പാന്‍ഡബിള്‍ മെമ്മറിയുണ്ട്. 2390 എംഎഎച്ച് ബാറ്ററിയുള്ള ഫോണിന് ഒരുദിവസം മുഴുവന്‍ ചാര്‍ജ് നില്‍ക്കുമെന്ന് മോട്ടറോള അവകാശപ്പെടുന്നു.
