കൊച്ചി: മോഹന്‍ലാല്‍ നായകനാകുന്ന പുതിയ ചിത്രം കനലിലെ ആദ്യ ഗാനം പുറത്തിറങ്ങി. ഒരു വേനല്‍കാറ്റായി എന്നു തുടങ്ങുന്ന ഗാനം ആലപിച്ചിരിക്കുന്നത് കെഎസ് ചിത്രയും സുധീപ് കുമാറും ചേര്‍ന്നാണ്. പ്രകാശ് മാരാറിന്റെ വരികള്‍ക്ക് വിനു തോമസാണ് സംഗീതം നല്‍കിയിരിക്കുന്നത്. എം പത്മകുമാറാണ് ചിത്രത്തിന്റെ സംവിധാനം.
ശിക്കാര്‍ എന്ന സൂപ്പര്‍ഹിറ്റ് ചിത്രത്തിന് ശേഷം മോഹന്‍ലാലും എം പത്മകുമാറും ഒന്നിക്കുന്ന ചിത്രത്തില്‍ പ്രശസ്ത നടന്‍ അതുല്‍ കുല്‍ക്കര്‍ണിയാണ് വില്ലന്‍ കഥാപാത്രത്തെ അവതരിപ്പിക്കുന്നത്.
മോഹന്‍ലാലിനെ കൂടാതെ അനൂപ്‌മേനോന്‍, അതുല്‍ കുല്‍ക്കര്‍ണി, നിഖിത, ഹണിറോസ്, ഷീലു എബ്രഹാം, പ്രതാപ് പോത്തന്‍, സന്തോഷ് കീഴാറ്റൂര്‍, സാദിഖ്, ബാലാജി, അരുണ്‍, ജയകൃഷ്ണന്‍, മനുരാജ്, അംബികാമോഹന്‍, ഗൗരിനന്ദ എന്നിവരും ചിത്രത്തില്‍ അഭിനയിക്കുന്നുണ്ട്.
അബാം മൂവീസ്‌ന്റേയും ആശിര്‍വാദ് സിനിമാസിന്റേയും ബാനറില്‍ എബ്രഹാം മാത്യു നിര്‍മ്മിക്കുന്ന ചിത്രം ഒക്ടോബര്‍ 21 ന് തീയേറ്ററിലെത്തും.
