കുട്ടികളും മുതിര്‍ന്നവരുമുള്‍പ്പെടെ ലോകമെങ്ങുമുളളവരുടെ പ്രിയപ്പെട്ട ജംഗിള്‍ ബുക്കിന്റെ പുതിയ ട്രെയിലര്‍ പുറത്തുവന്നു. ത്രീഡി രൂപത്തിലുള്ള സിനിമ ഏപ്രിലിലാണ് തിയേറ്ററുകളില്‍ എത്തുന്നത്.
കാടിന്റെ വന്യത ത്രീഡിയില്‍ ആവിഷ്‌കരിച്ച് പ്രേക്ഷകര്‍ക്ക് വിസ്മയക്കാഴ്ച ഒരുക്കുന്നത് ഡിസ്‌നിയാണ്. 1967ല്‍ പുറത്തിറങ്ങിയ അനിമേഷന്‍ ചിത്രത്തിന്റെ റിമേക്ക് ആണ് ജംഗിള്‍ ബുക്ക് 3 ഡി.സംവിധാനം ജോണ്‍ ഫേവ്രോ.
ന്യൂയോര്‍ക്കില്‍ ജനിച്ച ഇന്ത്യന്‍വംശജനായ നീല്‍ സേത്തിയാണ് മൗഗ്ലിയായി എത്തുന്നത്. ഹോളിവുഡിലെ പ്രമുഖ താരങ്ങളാണ ചിത്രത്തിലെ കഥാപാത്രങ്ങള്‍ക്ക് ശബ്ദം നല്‍കിയിരിക്കുന്നത്.
ആദ്യ ട്രെയിലറില്‍ ബാലുകരടിയും ഷേര്‍ഖാനും കാ പെരുമ്പാമ്പും ഒക്കെയുണ്ടെങ്കില്‍ ഇത്തവണ അകേലയും എത്തുന്നു. ട്രെയിലറിന് ആവേശഭരിതമായ സ്വീകരണമാണ് ലഭിക്കുന്നത്.
https://www.youtube.com/watch?v=V5IiYzDagnY
