തിരുവനന്തപുരം: പിണറായി വിജയന് കെപിസിസി പ്രസിഡന്റ് വി.എം സുധീരന്റെ മറുപടി. യുഡിഎഫ് തകരുമെന്ന് സ്വപ്നം കാണാന്‍ ആര്‍ക്കും അവകാശമുണ്ട്. തെരഞ്ഞെടുപ്പില്‍ യുഡിഎഫ് വന്‍ വിജയം കൊയ്യുക തന്നെ ചെയ്യും. ബാര്‍ കോഴ തെരഞ്ഞെടുപ്പിനെ ബാധിക്കുമെന്ന് കരുതുന്നില്ലെന്നും സുധീരന്‍. ഈ തെരഞ്ഞെടുപ്പോടെ യുഡിഎഫിന്റെ അന്ത്യം കുറിക്കുമെന്ന പിണറായി വിജയന്റെ പ്രസ്താവനക്ക് മറുപടി പറയുകയായിരുന്നു അദ്ദേഹം.
എളമരം കരീം ഉള്‍പ്പെട്ട ചക്കിട്ടപ്പാറ ഖനന കേസില്‍ എളമരം കരീമിനെതിരെ കേസെടുക്കാത്തത് അത്ഭുതമാണെന്നും ഇത് സംബന്ധിച്ച് കൂടുതല്‍ പ്രതികരണം പിന്നീടെന്നും അദ്ദേഹം കൂട്ടിച്ചേര്‍ത്തു.
