കോട്ടയം: കേരളത്തില്‍ യു.ഡി.എഫ് തിളക്കമാര്‍ന്ന വിജയം നേടുമെന്ന് കെ.എം. മാണി. പാലാ അരുണാപുരം അല്‍ഫോണ്‍സാ കോളേജിലെ 22ാം നമ്പര്‍ ബൂത്തില്‍ വോട്ട് ചെയ്യാനെത്തിയ ശേഷം മാധ്യമ പ്രവര്‍ത്തകരോട് സംസാരിക്കുകയായിരുന്നു മാണി. യു.ഡി.എഫിന്റെ വിജയത്തില്‍ ആര്‍ക്കും ആശങ്കവേണ്ടെന്നും ഒറ്റക്കെട്ടായാണ് തിരഞ്ഞെടുപ്പിനെ നേരിടുന്നതെന്നും അദ്ദേഹം പറഞ്ഞു.
ഭാര്യ കുട്ടിയമ്മ, മകന്‍ ജോസ് കെ. മാണി എം.പി, മരുമകള്‍ നിഷാ ജോസ് കെ. മാണി എന്നിവരോടൊപ്പമാണ് വോട്ട് ചെയ്യാനാത്തിയത്.
