പ്രമുഖ സംവിധായകന്‍ ചിമ്പുവേദന്‍ ഒരുക്കുന്ന ചിത്രത്തിലൂടെയാണ് ഹന്‍സിക വിജയ് ജോഡികള്‍ വീണ്ടുമൊന്നിക്കുന്നത്. ഹിസ്‌റ്റോറിക്കല്‍, ഫാന്റസി കോമഡി സിനിമകള്‍ സംവിധാനം ചെയ്തു ശ്രേദ്ധേയനായ ചിമ്പുവേദന്റെ ഏറ്റവും പുതിയ ഫാന്റസി ചിത്രത്തില്‍ ഹന്‍സിക ഒരു രാജകുമാരിയുടെ വേഷത്തിലാണെത്തുന്നത്. രാജകുമാരിയായ ഹന്‍സികയുടെ അമ്മയായ രാജ്ഞിയുടെ വേഷത്തിലാണ് എക്കാലത്തെയും സുന്ദരിയായ ശ്രീദേവിയെത്തുന്നത്. ചിത്രത്തിനു വേണ്ടി ചെന്നൈ നഗരത്തില്‍ നിന്നകലെ വലിയൊരു കോട്ട തന്നെ നിര്‍മിച്ചിട്ടുണ്ട്. പ്രത്യേകം സജ്ജീകരിച്ചിരിക്കുന്ന കോട്ടയുടെ സെറ്റില്‍ ആരംഭിക്കുന്ന ഷൂട്ടില്‍ വിജയും ശ്രീദേവിയും ഹന്‍സികയും ഉടന്‍ ജോയിന്‍ ചെയ്യുമെന്നാണ് ചിത്രത്തിന്റെ അണിയറപ്രവര്‍ത്തകര്‍ പറയുന്നത്.
രാജകുമാരിയും രാജ്ഞിയുമായി രണ്ടു സുന്ദരികള്‍
