ലോകത്തെ ഞെട്ടിക്കാനായി ആ ദിനോസറുകള്‍ വീണ്ടുമെത്തുകയാണ്. ജുറാസിക് വേള്‍ഡ് എത്തുന്നു. ഈ ജൂണില്‍ ഇന്ത്യന്‍ തിയേറ്ററുകളില്‍ യൂണിവേഴ്‌സല്‍ പിക്‌ചേഴ്‌സാണ് ചിത്രം എത്തിക്കുന്നത്.
ബോളിവുഡ് നടന്‍ ഇര്‍ഫാന്‍ ഖാന്റെ സാന്നിധ്യമാണ് പ്രധാന ആകര്‍ഷണം. പാര്‍ക് ഉടമസ്ഥനായാണ് ഇര്‍ഫാന്‍ എത്തുന്നത്. കഥയല്ല, യാഥാര്‍ഥ്യമെന്ന് തോന്നുന്നവിധത്തിലാണ് ചിത്രത്തിന്റെ പ്രെമോഷന്‍.
ചിത്രം സംവിധാനം ചെയ്യുന്നത് കോളിന്‍ ട്രെവോറോയാണ്.സഹനിര്‍മ്മാതാവായി ജുറാസിക് പാര്‍ക്കിന്റെ യഥാര്‍ത്ഥ സംവിധായകന്‍ സ്റ്റീവന്‍ സ്പില്‍ബെര്‍ഗും ജുറാസിക്ക് വേള്‍ഡിന്റെ ഭാഗമാകുന്നുണ്ട്.
ക്രിസ് പ്രാട്ട്, ബ്രൈസ് ദല്ലാസ് ഹോവാര്‍ഡ്, ടൈ സിംപ്കിന്‍സ്, ജെയ്ക്ക് ജോണ്‍സണ്‍, നിക്ക് റോബിന്‍സണ്‍ എന്നിവരാണ് ജുറാസിക്ക് വേള്‍ഡിലെ മറ്റ് താരങ്ങള്‍. 2ഡി,3ഡി പതിപ്പുകളിലാണ് ഒരുക്കുന്നത്.
ഇംഗ്ലീഷ്,ഹിന്ദി, തമിഴ്, തെലുങ്ക് ഭാഷകളില്‍ ജൂണ്‍ 11ന് ചിത്രം ലോക വ്യാപകമായി പ്രദര്‍ശനത്തിനെത്തും.
