തമിഴകം ഏറെ പ്രതീക്ഷയോടെ കാത്തിരിക്കുന്ന വിജയ്‌യുടെ ബിഗ്ബജറ്റ് ചിത്രം പുലിയുടെ ആദ്യ ടീസറെത്തി. ആനിമേഷന്‍ സാധ്യതകള്‍ പ്രയോജനപ്പെടുത്തി വളരെ വ്യത്യസ്തമായാണ് ടീസര്‍ പുറത്തിറങ്ങിയിരിക്കുന്നത്.
ഗ്ലാഡിയേറ്റര്‍ ലുക്കിലാണ് വിജയ് എത്തുന്നത്. ഇത് ഒരു ഗാനരംഗം മാത്രമാണോയെന്നത് വ്യക്തമല്ല.ഏതായാലും കിടിലന്‍ ആക്ഷന്‍രംഗങ്ങളും നൃത്തരംഗങ്ങളും പ്രതീക്ഷിക്കാനാകും.
ശ്രുതി ഹാസന്‍, ഹന്‍സിക എന്നിവര്‍ നായികമാരായി എത്തുന്ന ചിത്രത്തില്‍ ശ്രീദേവിയും ഒരു പ്രധാന കഥാപാത്രത്തെ അവതരിപ്പിക്കുന്നുണ്ട്. കിച്ച സുദീപ്, പ്രഭു എന്നിവരാണ് മറ്റുതാരങ്ങള്‍.
ചിമ്പുദേവന്‍ സംവിധാനം ചെയ്യുന്ന പുലിയില്‍ വിജയ് ട്രിപ്പിള്‍ റോളിലാണ് എത്തുന്നത്. ദേവി ശ്രീപ്രസാദ് ആണ് സംഗീത സംവിധായകന്‍. നടരാജന്‍ സുബ്രഹ്മണ്യന്‍ ആണ് ഛായാഗ്രഹണം നിര്‍വഹിക്കുന്നത്. ചിത്രം സെപ്റ്റംബര്‍ 17ന് റിലീസിനെത്തും.
