കൊച്ചി: വിജയ് നായകനായ തമിഴ് ചിത്രം പുലി ഇന്റര്‍നെറ്റില്‍. അഞ്ച് പ്രമുഖ വെബ്‌സൈറ്റുകളിലാണ് ചിത്രത്തിന്റെ വ്യാജപതിപ്പുകളുള്ളത്. ചിത്രം പ്രദര്‍ശനത്തിനെത്തിയ ഒന്നാം തീയതി തന്നെയാണ് ടോറന്റ് ഉള്‍പ്പടെയുള്ള അഞ്ച് പ്രമുഖ വെബ്‌സൈറ്റുകളില്‍ അപ് ലോഡ് ചെയ്തിരിക്കുന്നത്.
പ്രേമം ഉള്‍പ്പടെ നിരവധി മലയാള ചിത്രങ്ങള്‍ ഇന്റര്‍നെറ്റിലൂടെ വ്യാജമായി പ്രചരിപ്പിച്ച ടീം റോക്കേഴ്‌സാണ് പുലിയും ചോര്‍ത്തിയത്. ആയിരകണക്കിന് ആളുകള്‍ ഇതിനോടകം ചിത്രം കണ്ടുകഴിഞ്ഞു.
