ലെനോവോയുടെ 10.1 ഇഞ്ച് ടാബ് ‘ലിനോവോ മിക്‌സ് ത്രീ’ എത്തി. 21,999 രൂപയാണ് വില. ഊരിമാറ്റാവുന്ന കീബോര്‍ഡാണ് ഇതിനുള്ളത്. കമ്പനിയുടെ ഔദ്യോഗിക വിപണിയായ ദ ഡു സ്‌റ്റോറില്‍ വാങ്ങാന്‍ കിട്ടും.
വിന്‍ഡോസ് 8.1 ഒ.എസ് ആണിതിന്. 1920 X1200 പിക്‌സല്‍ റസലൂഷനുള്ള 10.1 ഇഞ്ച് ഐപിഎസ് ടച്ച്‌സ്‌ക്രീനാണ്. രണ്ട് ജി.ബി റാം, മെമ്മറി കാര്‍ഡിട്ട് 64 ജി.ബി വരെയാക്കാവുന്ന 32 ജി.ബി ഇന്‍േറണല്‍ മെമ്മറി, വൈ ഫൈ, ബ്ലൂടൂത്ത് 4.0, മിനി എച്ച്.ഡി.എം.ഐ, മൈക്രോ യു.എസ്.ബി, രണ്ട് മെഗാപിക്‌സല്‍ മുന്‍ കാമറ, ഏഴ് മണിക്കൂര്‍ നിലനില്‍ക്കുന്ന ബാറ്ററി എന്നിവയാണ് വിശേഷങ്ങള്‍.
