കഴിഞ്ഞ വര്‍ഷത്തെ ഹിറ്റ് ചിത്രങ്ങളില്‍ ഒന്നായ വെള്ളിമൂങ്ങ തമിഴിലേക്കും. നടനും സംവിധായകനുമായ സുന്ദര്‍ സി ആണ് ചിത്രത്തിന്റെ റീമേയ്ക്ക് അവകാശങ്ങള്‍ വാങ്ങിച്ചിരിക്കുന്നത്. ഇതിന് മുന്പ് ദിലീപ് കേന്ദ്ര കഥാപാത്രത്തെ അവതരിപ്പിച്ച ‘പാണ്ടിപ്പട’ എന്ന ചിത്രത്തിന്റെ അവകാശവും സുന്ദര്‍ വാങ്ങിയിരുന്നു.
മലയാളത്തില്‍ ബിജു മേനോന്‍ അവതരിപ്പിച്ച കഥാപാത്രത്തെ തമിഴില്‍ സുന്ദറായിരിക്കും അവതരിപ്പിക്കുക എന്നാണ് സൂചന. സംവിധായകനെ തീരുമാനിക്കാനുള്ള ചര്‍ച്ചകള്‍ നടന്നുകൊണ്ടിരിക്കുകയാണെന്നും ചലച്ചിത്ര വൃത്തങ്ങള്‍ അറിയിച്ചു. നായിക ഉള്‍പ്പടെയുള്ള കേന്ദ്ര കഥാപാത്രങ്ങളെ ഇതു വരെ തീരുമാനിച്ചിട്ടില്ല.
ജിബു ജേക്കബ് സംവിധാനം ചെയ്ത വെള്ളിമൂങ്ങ എന്ന ചിത്രം അത്ഭുതകരമായി മുന്നേറുകയായിരുന്നു. സരളവും രസകരവുമായ ഒരു കഥയുമായി ബിജു മേനോന്‍ കേന്ദ്ര കഥാപാത്രത്തെ അവതരിപ്പിച്ച വെള്ളിമൂങ്ങ വളരെ പെട്ടെന്നാണ് പ്രേക്ഷകര്‍ നെഞ്ചിലേറ്റിയത്.
