കിംഗ്‌സ് ടൗണ്‍: വെസ്റ്റിന്‍ഡീസ് ക്രിക്കറ്റ് ബോര്‍ഡിനെ വിമര്‍ശിച്ച പരിശീലകന്‍ ഫില്‍ സിമ്മണ്‍സിന്റെ തൊപ്പിതെറിച്ചു. സിമ്മണ്‍സിനെ പരിശീലക സ്ഥാനത്തുനിന്നു നീക്കിയതായി വെസ്റ്റിന്‍ഡീസ് ക്രിക്കറ്റ് ബോര്‍ഡ് അറിയിച്ചു.
സിമ്മണ്‍സിനു പകരം വെസ്റ്റിന്‍ഡീസ് മുന്‍ ഫാസ്റ്റ്ബൗളറും സെലക്ടറുമായ എല്‍ഡിന്‍ ബാപിസ്റ്റിനെ താല്‍ക്കാലിക പരിശീലകനായി നിയമിച്ചു. വരുന്ന ശ്രീലങ്കന്‍ പര്യടനത്തില്‍ എല്‍ഡിനാണു ടീമിന്റെ പരിശീലകന്‍. ശ്രീലങ്കന്‍ പര്യടനത്തിനുള്ള ടീം തെരഞ്ഞെടുപ്പുമായി ബന്ധപ്പെട്ടാണു സിമ്മണ്‍സ് സെലക്ടര്‍മാരുമായി ഉടക്കിയത്.
