തിരുവനന്തപുരം: സ്വാമി ശാശ്വതീകാനന്ദയുടെ മരണത്തില്‍ ബിജു രമേശ് ക്രൈബ്രാഞ്ചിനു നല്‍കിയ മൊഴിയുടെ പകര്‍പ്പുകള്‍ പുറത്ത്. സ്വാമി സൂക്ഷ്മാനന്ദക്കും മരണത്തില്‍ പങ്കുണ്ടെന്ന് ബിജു രമേശ് നല്‍കിയ മൊഴിയിലുണ്ട്.
സഹായി സാബു സ്വാമിക്കുള്ള പാലില്‍ ഇന്‍സുലിന്‍ കലര്‍ത്തിയിരുന്നു. സ്വാമിയെ സാബു വെള്ളത്തില്‍ മുക്കിക്കൊല്ലുകയായിരുന്നു. സ്വാമിയുടെ തലയില്‍ ക്ഷതമേല്‍പ്പിച്ചെന്നും ബിജു രമേശ് മൊഴി നല്‍കിയിട്ടുണ്ട്.
വെള്ളാപ്പള്ളിയും ശാശ്വതീകാനന്ദയും തമ്മില്‍ തര്‍ക്കമുണ്ടായിരുന്നു. സാബുവിനെ നുണപരിശോധനയില്‍ നിന്ന് പിന്‍തിരിപ്പിക്കാന്‍ സൂക്ഷ്മാനന്ദ ശ്രമിച്ചുവെന്നും മൊഴിയില്‍ പറയുന്നു.
