ഏറെ പ്രേക്ഷകശ്രദ്ധ നേടിയ ഷട്ടര്‍ എന്ന സിനിമ തമിഴില്‍ റീമേക്ക് ചെയ്യുന്നു. ജോയ് മാത്യൂ സംവിധാനം ചെയ്ത ഷട്ടര്‍ കോളിവുഡില്‍ മുന്‍നിര ചിത്രങ്ങളുടെ എഡിറ്ററായ ആന്റണിയാണ് സംവിധാനം ചെയ്യുന്നത്. സംവിധായകന്‍ എ.എല്‍.വിജയാണ് സിനിമ തമിഴില്‍ നിര്‍മിക്കുന്നത്. ചിത്രത്തിന് പേരിട്ടിട്ടില്ല.
മലയാളത്തില്‍ സജിത മഠത്തില്‍ അവതരിപ്പിച്ച വേഷത്തിലെത്തുന്നത് മലയാളത്തിലെ യുവനടി അനുമോളാണ്. സത്യരാജാണ് ലാല്‍ അവതരിപ്പിച്ച കഥാപാത്രമാവുന്നത്. മലയാളത്തില്‍ ലാല്‍, സജിത മഠത്തില്‍, ശ്രീനിവാസന്‍, വിനയ് ഫോര്‍ട്ട് എന്നിവരാണ് പ്രധാന കഥാപാത്രങ്ങളെ അവതരിപ്പിച്ചത്.
മറാട്ടിയിലും ഷട്ടര്‍ റീമേയ്ക്ക് ചെയ്യുന്നുണ്ട്. വി.കെ.പ്രകാശാണ് സംവിധാനം ചെയ്യുന്നത്. സച്ചിന്‍ കെദേഖര്‍, സൊണാലി കുല്‍ക്കര്‍ണി, പ്രകാശ്ബാര എന്നിവര്‍ പ്രധാന വേഷങ്ങളിലെത്തുന്നു.
