ഷാങ്ഹായ്: ഷാങ്ഹായ് മാസ്റ്റേഴ്സ് ടെന്നിസ് ടൂര്‍ണമെന്റില്‍ സെര്‍ബിയന്‍ സൂപ്പര്‍താരം നൊവാക് ജോകോവിച്ചിന് കിരീടം. കലാശപ്പോരില്‍ ക്രൊയേഷ്യയുടെ ബോര്‍ന കോറികിനെ തോല്‍പ്പിച്ചാണ് ജോകോവിച്ച് കിരീടം സ്വന്തമാക്കിയത്. ഫൈനലില്‍ എതിരില്ലാത്ത രണ്ട് സെറ്റുകള്‍ക്കായിരുന്നു ജോകോവിച്ചിന്റെ വിജയം. സ്‌കോര്‍: 6-3, 6-4.
ഷാങ്ഹായ് മാസ്റ്റേഴ്സില്‍ ഏറ്റവും കൂടുതല്‍ കിരീടം നേടിയ താരമെന്ന റെക്കോഡും 31 കാരനായ ജോകോവിച്ച് ഇതോടെ സ്വന്തമാക്കി. മൂന്ന് തവണ ചാമ്പ്യനായ ബ്രിട്ടന്റെ ആന്‍ഡി മുറേയയെയാണ് ജോകോവിച്ച് പിന്തള്ളിയത്.
