സിയോള്‍: ഗാലക്‌സി എസ് 6 മാര്‍ച്ചില്‍ എത്തും. ചില ടെക് സൈറ്റുകളാണ് ഈ വിവരം പുറത്തുവിട്ടിരിക്കുന്നത്. ബാര്‍സിലോനയിലെ ലോക മൊബൈല്‍ കോണ്‍ഗ്രസിലായിരിക്കും സാംസങ്ങിന്റെ അടുത്ത ഫല്‍ഗ്ഷിപ്പ് മോഡല്‍. മാര്‍ച്ച് 2 മുതല്‍ 6വരെയാണ് ഡബ്യൂഎംസി നടക്കുന്നത്.
എച്ച്ഡി 4കെ ഡിസ്‌പ്ലേയിലായിരിക്കും ഗാലക്‌സി എസ്6 ഇറങ്ങുക എന്നാണ് റിപ്പോര്‍ട്ട്. 20 എംപി ക്യാമറയും ഉണ്ടാകാന്‍ സാധ്യതയുണ്ട്. 5.3 ആയിരിക്കും സ്‌ക്രീന്‍ സൈസ്. സ്‌നാപ് ഡ്രാഗണ്‍ 810 പ്രോസസ്സര്‍, 5 എംപി മുന്‍ക്യാമറ, ബ്രോഡ്‌കോം സെന്‍സര്‍ ചിപ്പ് എന്നിവയും എസ് 6ന്റെ പ്രവചപ്പിക്കപ്പെടുന്ന പ്രത്യേകതകള്‍.
2014ല്‍ നാല് വര്‍ഷത്തിന് ശേഷം ലാഭത്തില്‍ ഇടിവു വന്ന സാംസങ്ങ് വലിയ പ്രതീക്ഷയോടെയാണ് എസ്6 ഇറക്കുന്നത്. ഗാലക്‌സി എസ്5 സാംസങ്ങിന് പ്രതീക്ഷിച്ച അത്ര വില്‍പ്പന നടത്തുവാന്‍ സാധിച്ചിരുന്നില്ല.
