സെല്‍ഫി എടുക്കാന്‍ കോഴ്‌സും ഇനി പഠിക്കാം. ലണ്ടനിലെ സിറ്റി ലിറ്റ് കോളേജിലാണ് ഒരി സെല്‍ഫി ടേക്കറാകാന്‍ കോഴ്‌സ് ആരംഭിച്ചിരിക്കുന്നത്. 160 ഡോളര്‍ അതായത് പതിനായിരത്തോളം രൂപയാണ് ഇവിടെ കോഴ്‌സ് ഫീസ്.
ഒരുമാസത്തെ ഫോട്ടോഗ്രാഫിക് സെല്‍ഫ് പോര്‍ട്രെയിറ്റ് കോഴ്‌സിന് സെമിനാറുകളും പരിശീലന ക്ലാസുകളും ഉണ്ടാകും. എണ്‍പത്തിയാറാമത് ഓസ്‌കാര്‍ പുരസ്‌കാര വേദിയിലെ ഹിറ്റ് സെല്‍ഫിയെടുത്ത ഹെലന്‍ ഡിജനറസൊക്കെയാണ് ക്ലാസ് എടുക്കാനെത്തുക.
ഇനിയിപ്പോള്‍ സെല്‍ഫി എടുക്കാന്‍ പഠിച്ചത് എവിടെയാണെന്ന് ആരെങ്കിലും ചോദിച്ചാല്‍ ധൈര്യമായി മറുപടി പറയാം. സിറ്റി ലിറ്റ് കോളേജിലാണെന്ന്.
