മൊഗാദിഷു: സൊമാലിയന്‍ തലസ്ഥാനമായ മൊഗാദിഷുവില്‍ ഹോട്ടലിനു നേര്‍ക്കുണ്ടായ കാര്‍ ബോംബ് ആക്രമണത്തില്‍ 13 പേര്‍ കൊല്ലപ്പെട്ടു. നാല്‍പ്പതിലേറെ പേര്‍ക്ക് പരുക്കേറ്റു.
വിമാനത്താവളത്തിനു സമീപമുള്ള ജസീറ പാലസ് എന്ന ഹോട്ടലിനു നേരെയാണ് ആക്രമണമുണ്ടായത്. രാജ്യാന്തര നയതന്ത്രജ്ഞരും സര്‍ക്കാര്‍ ഉദ്യോഗസ്ഥരും താമസിക്കാറുള്ള ഹോട്ടലാണിത്. കൊല്ലപ്പെട്ടവര്‍ ഹോട്ടലിലെ സുരക്ഷാ ഉദ്യോഗസ്ഥരാണ്.
ആക്രമണത്തിന്റെ ഉത്തരവാദിത്തം സൊമാലിയന്‍ തീവ്രവാദ സംഘടനയായ അല്‍ ഷബാബ് ഏറ്റെടുത്തു. സൊമാലിയന്‍ സര്‍ക്കാരിനും ആഫ്രിക്കന്‍ യൂണിയന്‍ ഫോഴ്‌സിനുമുള്ള മറുപടിയാണ് അക്രമമെന്ന് അല്‍ ഖായിദ ബന്ധമുള്ള സംഘടന അറിയിച്ചു
