മൊഗാദിഷു: സൊമാലിയയില്‍ ആഡംബര ഹോട്ടലിന് നേരെയുണ്ടായ തീവ്രവാദ ആക്രമണത്തില്‍ മരിച്ചവരുടെ എണ്ണം 28 ആയി. വെള്ളിയാഴ്ചയാണ് സൊമാലിയന്‍ തലസ്ഥാനമായ മൊഗാദിഷുവിലെ ആഡംബര ഹോട്ടലിന് നേരെ തീവ്രവാദ ആക്രമണമുണ്ടായത്.
മൊഗാദിഷുവിലെ സെന്‍ട്രല്‍ ഹോട്ടലിന് മുമ്പില്‍ കാര്‍ ബോംബ് സ്‌ഫോടനം ഉണ്ടാക്കി ഭീതി സൃഷ്ടിച്ച ശേഷം തീവ്രവാദികള്‍ തുടര്‍ച്ചയായി ഹോട്ടലിന് നേരെ വെടിയുതിര്‍ക്കുകയായിരുന്നു. തീവ്രവാദ സംഘടനയായ അല്‍ ഷബാബ് ആണ് ആക്രമണം നടത്തിയത്.
