നടി ഹണി റോസ് മോഹന്‍ലാലിന്റെ നായികയാകുന്നു.മേജര്‍ രവി സംവിധാനം ചെയ്യുന്ന പുതിയ ചിത്രത്തിലാണ് ഹണി മോഹന്‍ലാലിനൊപ്പം അഭിനയിക്കുന്നത്. ദിലീപിനൊപ്പം റിങ് മാസ്റ്ററിലും മമ്മൂട്ടിയോടൊപ്പം ദൈവത്തിന്റെ സ്വന്തം ക്ലിറ്റസിലും അഭിനയിച്ച ഹണി ഇതാദ്യമായാണ് മോഹന്‍ലാല്‍ ചിത്രത്തില്‍ അഭിനയിക്കുന്നത്. ഇതിന്റെ ത്രില്ലിലാണ് താരം ഇപ്പോള്‍.
മേജര്‍ രവിയുടെ ഈ ചിത്രത്തില്‍ പതിവിന് വിപരീതമായി മോഹന്‍ലാല്‍ ഒരു കുടുംബനാഥന്റെ വേഷമാണ് അവതരിപ്പിക്കുന്നത്. ഇതൊരു ലോ ബഡ്ജറ്റ് ചിത്രമായിരിക്കും.
വൈശാഖ് സംവിധാനം ചെയ്യുന്ന പുലിമുരുകന്‍ എന്ന ചിത്രത്തിന് വേണ്ടി മോഹന്‍ലാല്‍ നല്‍കിയിരുന്ന ഡേറ്റാണ് ഇപ്പോള്‍ മേജര്‍ രവി ചിത്രത്തിന് കൊടുത്തിരിക്കുന്നത്. വൈശാഖിന്റെ അടുത്തിറങ്ങിയ രണ്ട് ചിത്രങ്ങള്‍ പരാജയപ്പെട്ടതോടെ ബിഗ് ബഡ്ജറ്റ് ചിത്രമായി ആലോചിച്ചിരുന്ന പുലിമുരുകന്റെ ബഡ്ജറ്റ് വെട്ടിക്കുറക്കുകയും കഥയില്‍ മാറ്റം വരുത്തുന്നതിന്റെ ഭാഗമായി ചിത്രീകരണം മാറ്റി വയ്ക്കുകയുമായിരുന്നു. ഇതോടെ മോഹന്‍ലാല്‍ ഈ ഡേറ്റ് മേജര്‍ രവിക്ക് നല്‍കുകയായിരുന്നു
