ജ്യോതിക പ്രധാന വേഷത്തിലെത്തുന്ന ഹൗ ഓള്‍ഡ് ആര്‍ യുവിന്റെ തമിഴ് പതിപ്പിന് പേരായി. 36 വയതിനിലേ എന്നാണ് ചിത്രത്തിന്റെ പേര്. ഏഴ് വര്‍ഷത്തിന് ശേഷം ജ്യോതിക അഭിനയരംഗത്തേക്ക് തിരിച്ചുവരുന്നു എന്ന പ്രത്യേകതയും ചിത്രത്തിനുണ്ട്. മലയാളത്തില്‍ ഹൗ ഓള്‍ഡ് ആര്‍ യു ഒരുക്കിയ റോഷന്‍ ആന്‍ഡ്രൂസ് തന്നെയാണ് തമിഴിലും സംവിധാനം ചെയ്യുന്നത്. മലയാളത്തില്‍ മഞ്ജു വാര്യര്‍ ഗംഭീര തിരിച്ചുവരവ് നടത്തിയ ചിത്രമായിരുന്നു ഹൗ ഓള്‍ഡ് ആര്‍ യു.
എന്ന പ്രത്യേകതയും ചിത്രത്തിനുണ്ട്. സൂര്യയാണ് ചിത്രം നിര്‍മിക്കുന്നത്. റഹ്മാന്‍, അഭിരാമി എന്നിവരും ചിത്രത്തില്‍ പ്രധാന വേഷത്തിലെത്തുന്നുണ്ട്. ഏപ്രിലില്‍ ചിത്രം പുറത്തിറങ്ങുമെന്നാണ് പ്രതീക്ഷിക്കുന്നത്.
മലയാളത്തില്‍ മഞ്ജു വാര്യരുടെ തിരിച്ചുവരവ് എന്ന നിലയിലും പ്രമേയത്തിലും ഏറെ ശ്രദ്ധിക്കപ്പെട്ട ചിത്രമാണ് ഹൗ ഓള്‍ഡ് ആര്‍ യു. ചിത്രം തമിഴിലേക്ക് റീമേക്ക് ചെയ്യാനും ജ്യോതികയെ നായികയാക്കാനും മുന്‍കൈയ്യെടുത്തത് സൂര്യയായിരുന്നു.
