ഹാപൂര്‍ : ഉത്തർ പ്രദേശിൽ ട്രെയിനും ട്രക്കും കൂട്ടിയിടിച്ചുണ്ടായ അപകടത്തിൽ ലോകോ പൈലറ്റ് മരിച്ചു. യു.പിയിലെ പില്‍ഖുവയിലാണ് അപകടം നടന്നത്. ട്രെയിനിലെ ടി.ടി.ആറിനെ ഗുരുതര പരിക്കുകളോടെ ആശുപത്രിയില്‍ പ്രവേശിപ്പിച്ചു.
ട്രെയിന്‍ വരുന്നതറിയാതെ റെയില്‍വേ ട്രാക്ക് കടക്കുകയായിരുന്ന ട്രക്കില്‍ ട്രെയിന്‍ ഇടിക്കുകയായിരുന്നു. ട്രക്കും ട്രെയിനും തകര്‍ന്ന് ലോകോ പൈലറ്റും ടി.ടി.ആറും അവശിഷ്ടങ്ങള്‍ക്കിടയില്‍ അകപ്പെട്ടു.
മണിക്കൂറുകള്‍ നീണ്ട രക്ഷപ്രവര്‍ത്തനത്തിനെടുവിലാണ് ഇരുവരേയും പുറത്തെടുത്തത്. ലോകോ പൈലറ്റ് അപ്പോഴേയ്ക്കും മരിച്ചിരുന്നു. റെയില്‍വേയും പെലീസും സംഭവത്തില്‍ അന്വേഷണം ആരംഭിച്ചു.
