ഇംഫാല്‍: മണിപ്പൂര്‍ മുഖ്യമന്ത്രി ഓക്‌റാം ഇബോബിസിംഗിന് നേരെ വധശ്രമം. വെടിവയ്പ്പില്‍ നിന്ന് മുഖ്യമന്ത്രി അത്ഭുതകരമായി രക്ഷപ്പെട്ടു. ഉഖ്‌റൂള്‍ ആസ്ഥാനത്തിന് സമീപം ഇബോബി സഞ്ചരിച്ച ഹെലികോപ്റ്ററിന് നേരെ ഭീകരര്‍ വെടിയുതിര്‍ക്കുകയായിരുന്നു. ഭീകരാക്രമണത്തില്‍ ഒരു മണിപ്പൂര്‍ റൈഫിള്‍സ് ഉദ്യോഗസ്ഥന് ഗുരുതരമായി പരിക്കേറ്റു.
തിങ്കളാഴ്ച രാവിലെ 10.30ഓടെയാണ് സംഭവം. വധശ്രമത്തിന്റെ പശ്ചാത്തലത്തില്‍ ഉഖ്‌റൂളിലെ പരിപാടികള്‍ റദ്ദാക്കിയ മുഖ്യമന്ത്രിയും സംഘവും ഇംഫാലിലേക്ക് മടങ്ങി.
ഉഖ്‌റൂളിലെ ജില്ല ആശുപത്രിയുടെ ഉദ്ഘാടനത്തിന് എത്തിയതായിരുന്നു മുഖ്യമന്ത്രി. സംഭവത്തെക്കുറിച്ച് ചര്‍ച്ച ചെയ്യാന്‍ മുഖ്യമന്ത്രി അടിയന്തരമന്ത്രിസഭാ യോഗം വിളിച്ചു.
