ഗൂഗിള്‍ സ്മാര്‍ട്ട് ഫേണുകളായ ‘ഗൂഗിള്‍ പിക്‌സല്‍ ‘, ഗൂഗിള്‍ പിക്‌സല്‍ എക്‌സ് എല്‍ ഫോണുകള്‍ക്കെതിരെ വീണ്ടും പരാതിയുമായി ഉപഭോക്താക്കള്‍ രംഗത്ത്.
ആദ്യം ബ്ലൂടൂത്ത് പെയറിംഗ് പ്രശ്‌നമയിരുന്നുവെങ്കില്‍ ഇപ്പോള്‍ അത് കണക്ടിവിറ്റിയുമായി ബന്ധപ്പെട്ടാണ്. പ്രത്യേകിച്ചും എല്‍.ടി.ഇ ബാന്‍ഡ് 4 ഫ്രീക്വന്‍സിയിലാണ് കണക്ടിവിറ്റി പ്രശ്‌നങ്ങള്‍ റിപ്പോര്‍ട്ട് ചെയ്യപ്പെട്ടിരിക്കുന്നത്. ലോകമെമ്പാടുമുള്ള പിക്‌സല്‍ യൂസര്‍മാര്‍ എല്‍.ടി.ഇ സിഗ്‌നല്‍ പ്രശ്‌നങ്ങള്‍ റിപ്പോര്‍ട്ട് ചെയ്തുകൊണ്ടിരിക്കുകയാണ്.
എല്‍.ടി.ഇ ബാന്‍ഡ് 4 (FDDLTE, 1700MHz) ഉപയോക്താക്കളില്‍ നിന്നാണ് കൂടുതല്‍ പരാതികള്‍ ഉയരുന്നത്‌.
വടക്കന്‍ അമേരിക്കയിലേയും ദക്ഷിണ അമേരിക്കയിലെയും ചില പ്രദേശങ്ങളിലെ യൂസര്‍മാര്‍ എല്‍.ടി.ഇ ബാന്‍ഡ് 4 നെറ്റുവര്‍ക്കിനെ മാത്രമാണ് ആശ്രയിക്കുന്നത്. അതേസമയം, ടിമൊബൈല്‍ യൂസര്‍മാര്‍ ഇത്തരം പ്രശ്‌നങ്ങള്‍ ഒന്നുംതന്നെ നേരിടുന്നില്ല.
ചില പ്രത്യേക നെറ്റുവര്‍ക്കുകളില്‍ മാത്രമാണ് എല്‍.ടി.ഇ ബാന്‍ഡ് 4 കണക്ടിവിറ്റി പ്രശ്‌നമുള്ളത്.
പ്രശ്‌നം ശ്രദ്ധയില്‍പ്പെട്ടതായും അത് പരിഹരിക്കാനുള്ള ശ്രമത്തിലാണെന്നും ഒരു ഗൂഗിള്‍ പ്രതിനിധി പറഞ്ഞു. ഇതിനായി ഒരു അപ്‌ഡേറ്റ് പുറത്തിറക്കും. അത് ഫോണില്‍ ഇന്‍സ്റ്റാള്‍ ചെയ്യുന്നതോടെ പ്രശ്‌നം പരിഹരിക്കപ്പെടുമെന്നും അദ്ദേഹം അവകാശപ്പെട്ടു.
