ജമ്മു: ജമ്മു കശ്മീരിലെ ബന്ദിപ്പോറയില്‍ സുരക്ഷാസേനയും ഭീകരരും തമ്മിലുള്ള ഏറ്റുമുട്ടലില്‍ രണ്ടു ഭീകരരെ വധിച്ചു. ഹന്‍ജാന്‍ ഗ്രാമത്തിലെ ജനവാസ കേന്ദ്രത്തില്‍ ഒളിച്ചു താമസിച്ചിരുന്ന രണ്ടു ഭീകരരെ നീണ്ട ഏറ്റുമുട്ടലിനൊടുവിലാണ് സൈന്യം കീഴടക്കിയത്.
ഭീകരരുടെ കൈയില്‍നിന്നും രണ്ട് എകെ 47 തോക്കുകള്‍ കണ്ടെടുത്തതായി സൈനിക വൃത്തങ്ങള്‍ അറിയിച്ചു.
ബന്ദിപ്പോറയിലെ ഹന്‍ജാന്‍ ഗ്രാമത്തിലാണ് ഏറ്റുമുട്ടലുണ്ടായത്. രണ്ടു ഭീകരര്‍ ഗ്രാമത്തില്‍ ഒളിച്ചു താമസിക്കുന്നതായി വിവരം ലഭിച്ചതിനെ തുടര്‍ന്ന് സുരക്ഷാസേന പരിശോധനയ്‌ക്കെത്തിയപ്പോഴാണ് വെടിവയ്പുണ്ടായത്.
