കാറ്റലോണിയ: മെസിയും സുവാരസും നെയ്മറും നിറഞ്ഞാടിയ മത്സരത്തില്‍ അത്‌ലറ്റിക്കോ ബില്‍ബാവോയെ തകര്‍ത്തു ബാഴ്‌സലോണ സ്പാനിഷ് കോപ്പ ഡെല്‍ റേ കപ്പ് ഫുട്‌ബോളിന്റെ ക്വാര്‍ട്ടറില്‍ പ്രവേശിച്ചു.
ബാഴ്‌സ ബില്‍ബാവോയെ ഒന്നിനെതിരെ മൂന്നു ഗോളുകള്‍ക്കാണ് പരാജയപ്പെടുത്തിയത്. ഇതോടെ ഇരുപാദങ്ങളിലുമായി സ്‌കോര്‍ 4-3 ആയി. ആദ്യ പാദത്തില്‍ ബില്‍ബാവോയോട് ഒന്നിനെതിരെ രണ്ടു ഗോളുകള്‍ക്ക് ബാഴ്‌സ പരാജയപ്പെട്ടിരുന്നു.
ബാഴ്‌സയുടെ ജഴ്‌സിയിലുള്ള നൂറാമത്തെ ഗോളാണ് സുവാരസ് നേടിയത്. 35–ാം മിനിറ്റിലായിരുന്നു സുവാരസിന്റെ ഗോള്‍. 48–ാം മിനിറ്റില്‍ നെയ്മറും 78–ാം മിനിറ്റില്‍ മെസിയും ഗോള്‍ നേടിയതോടെ ബില്‍ബാവോയുടെ പതനം പൂര്‍ത്തിയായി. 51–ാം മിനിറ്റില്‍ ടെക്‌സിഡോറിന്റെ വകയായിരുന്ന ബില്‍ബാവോയുടെ ആശ്വാസ ഗോള്‍.
