പത്തനംതിട്ട: റാന്നിയില്‍ പതിമൂന്ന് വയസുകാരിയെ പീഡിപ്പിച്ചെന്ന് പരാതി. സംഭവത്തില്‍ പെണ്‍കുട്ടിയുടെ അമ്മയുടെ സുഹൃത്തിനെ പൊലീസ് അറസ്റ്റ് ചെയ്തു. റാന്നി സ്വദേശി ഷിജുവാണ് പിടിയിലായത്.
പെണ്‍കുട്ടിയെയും അമ്മയെയും അച്ഛന്‍ ഉപേക്ഷിച്ച് പോയതാണ്. പ്രതി ഷിജു ഇടയ്ക്ക് ഇവരുടെ വീട്ടിലെത്താറുണ്ട്. അമ്മ വീട്ടില്‍ ഇല്ലാതിരുന്ന സമയത്താണ് പ്രതി പെണ്‍കുട്ടിയെ കടന്ന് പിടിച്ചത്. സംഭവം പെണ്‍കുട്ടി അധ്യാപകരോട് പറഞ്ഞതിനെ തുടര്‍ന്നാണ് പൊലീസില്‍ പരാതി നല്‍കിയത്.
