സോള്‍: ഉത്തരകൊറിയ റോക്കറ്റ് എന്‍ജിന്‍ വിജയകരമായി പരീക്ഷിച്ചു. രാജ്യത്തിന്റെ റോക്കറ്റ് വ്യവസായത്തില്‍ പുതിയ തുടക്കമാണ് പരീക്ഷണമെന്ന് ഉത്തരകൊറിയന്‍ നേതാവ് കിം ജോങ് ഉന്‍ പറഞ്ഞു.
ഉപഗ്രഹങ്ങള്‍ വിക്ഷേപിക്കുന്നതിലടക്കം വന്‍ കുതിച്ചുചാട്ടമുണ്ടാക്കാന്‍ പുതിയ പരീക്ഷണം സഹായിക്കുമെന്ന് കിം ജോങ് ഉന്‍ പറഞ്ഞു.
യു.എസ് സ്‌റ്റേറ്റ് സെക്രട്ടറി ചൈന സന്ദര്‍ശിക്കാനിരിക്കെയാണ് ഉത്തരകൊറിയയുടെ റോക്കറ്റ് എന്‍ജിന്‍ പരീക്ഷണം എന്നതും ശ്രദ്ധയമാണ്. മേഖലയിലെ പ്രശ്‌നങ്ങള്‍ ചൈനയുമായുള്ള ചര്‍ച്ചയില്‍ ഉന്നയിക്കുമെന്ന് നേരത്തെ അമേരിക്ക വ്യക്തമാക്കിയിരുന്നു. പല വിഷയങ്ങളിലും ഉത്തരകൊറിയക്ക് പരോക്ഷ പിന്തുണ നല്‍കുന്ന നിലപാടാണ് ചൈന സ്വീകരിക്കുന്നതെന്ന് ആക്ഷേപമുണ്ട്.
എന്നാല്‍ യു.എന്‍ അടക്കമുള്ള സംഘടനകളുടെ മുന്നറിയിപ്പുകള്‍ കണക്കിലെടുക്കാതെ ഉത്തരകൊറിയ നടത്തുന്ന പരീക്ഷണങ്ങളില്‍ ദക്ഷിണകൊറിയ ആശങ്ക രേഖപ്പെടുത്തി.
