മിസ്സിസിപ്പി: അമേരിക്കയിലെ മിസ്സിസിപ്പിയിലുണ്ടായ വെടിവയ്പിൽ എട്ടു പേർ കൊല്ലപ്പെട്ടു. മൂലിങ്കണ്‍ കോളനിയിലെ മൂന്നു വീടുകളിലായാണ് വെടിവയ്പ് നടന്നതെന്ന് മിസിസിപ്പി ബ്യൂറോ ഓഫ് ഇൻവെസ്റ്റിഗേഷൻ വക്താവ് വാറൻ സ്ട്രെയ്ൻ പറഞ്ഞു.
കൊല്ലപ്പെട്ടവരിൽ പോലീസ് ഉദ്യോഗസ്ഥനും ഉൾപ്പെടുന്നതായാണ് സൂചന. ആക്രമണത്തിന്റെ കാരണം വ്യക്തമല്ല.
ലിങ്കൺ കൗണ്ടിയിൽ ശനിയാഴ്ച രാത്രിയായിരുന്നു സംഭവം.
സംഭവവുമായി ബന്ധപ്പെട്ട് അക്രമിയെന്നു സംശയിക്കുന്ന ഒരാളെ കസ്റ്റഡിയിലെടുത്തിട്ടുണ്ട്. ഇയാളാണ് അക്രമത്തിന് പിന്നിലെന്ന് സ്ഥിരീകരിച്ചിട്ടില്ല. അന്വേഷണം നടന്നുവരികയാണ്.
