കോഴിക്കോട്: ട്രെയിന്‍ വഴി കടത്താന്‍ ശ്രമിച്ച 159 കുപ്പി മദ്യം റെയില്‍വെ പൊലീസ് പിടികൂടി.
കോഴിക്കോട് റെയില്‍വെ സ്‌റ്റേഷനില്‍ വച്ചാണ് മദ്യം പിടികൂടിയത്. ഹാപ്പ-തിരുനെല്‍വേലി എക്‌സ്പ്രസില്‍ കടത്തുകയായിരുന്നു മദ്യം.
ട്രെയിനിലെ ടോയ്‌ലറ്റിന്റെ ഷീറ്റിനുള്ളില്‍ ഒളിപ്പിച്ച നിലയിലായിരുന്നു മദ്യക്കുപ്പികള്‍.
എന്നാല്‍, ആരാണ് മദ്യം കടത്തിയിരുന്നതെന്ന് കണ്ടെത്താനായിട്ടില്ല. ഇയാള്‍ക്കായി അന്വേഷണം ആരംഭിച്ചിട്ടുണ്ട്. റെയില്‍വെ പൊലീസ് കേസെടുത്ത് അന്വേഷണം ആരംഭിച്ചു.
