കണ്ണൂർ; ഇരുട്ടി താലൂക്ക് ആശുപത്രിയിലെ ശുചിമുറിയിൽ 17കാരി പ്രസവിച്ച സംഭവത്തിൽ പ്രതി പിടിയിൽ. മലപ്പട്ടം സ്വദേശി കൃഷ്ണൻ ആണ് അറസ്റ്റിലായത്. ഇയാൾക്കെതിരെ പോക്‌സോയും ബലാത്സംഗ കുറ്റവും ചുമത്തി. പെൺകുട്ടിയുടെ മൊഴിയുടെ അടിസ്ഥാനത്തിലാണ് പൊലീസ് ഇയാളെ അറസ്റ്റ് ചെയ്തത്. വീട്ടുകാരുമായുള്ള ബന്ധം മറയാക്കിയാണ് ഇയാൾ പെൺകുട്ടിയെ പീഡനത്തിന് ഇരയാക്കിയത്.
ഇന്നലെ രാവിലെയാണ് വയറുവേദനയുമായാണ് അമ്മയ്ക്കൊപ്പം പെൺകുട്ടി താലൂക്ക് ആശുപത്രിയിൽ എത്തിയത്. പിന്നീട് പെൺകുട്ടി ആശുപത്രിയിലെ ശുചിമുറിയിൽ ആൺ കുഞ്ഞിന് ജന്മം നൽകി. അതിന് ശേഷം പെൺകുട്ടിയുടെ ആരോഗ്യനില മോശമായതിനെ തുടർന്ന് കുഞ്ഞിനെയും അമ്മയെയും കണ്ണൂർ ജില്ലാ ആശുപത്രിയിലേക്ക് മാറ്റി.
എന്നാൽ പെൺകുട്ടി ഗർഭിണിയാണെന്ന വിവരം വീട്ടുകാർക്ക് അറിയില്ലായിരുന്നു. തുടർന്ന് നടത്തിയ അന്വേഷണത്തിലാണ് പീഡിപ്പിക്കപ്പെട്ട വിവരം പെൺകുട്ടി വെളിപ്പെടുത്തുന്നത്.
