ആരാധകര്‍ ആകാംക്ഷയോടെ കാത്തിരിക്കുന്ന രജനീകാന്ത് ചിത്രം 2.0യുടെ ടീസര്‍ വര്‍ക്കുകള്‍ പൂര്‍ത്തിയാക്കിയെന്ന് റസൂല്‍ പൂക്കുട്ടി. സെപ്റ്റംബര്‍ 13നാണ് ചിത്രത്തിന്റെ 3ഡി ടീസര്‍ പുറത്തുവിടുന്നത്. റസൂല്‍ പൂക്കുട്ടി തന്നെയാണ് ട്വിറ്ററിലൂടെ വാര്‍ത്ത പങ്കുവെച്ചത്.
സൈഫൈ ആക്ഷന്‍ ത്രില്ലറാണ് ചിത്രം. ശങ്കറാണ് ചിത്രം സംവിധാനം ചെയ്യുന്നത്. രജനീകാന്ത് ഇരട്ടവേഷത്തിലെത്തിയ എന്തിരന്റെ രണ്ടാം ഭാഗമാണിത്. ശങ്കര്‍ സംവിധാനം ചെയ്യുന്ന ചിത്രം 3ഡിയിലാണ് എത്തുന്നത്. എമി ജാക്‌സനും അക്ഷയ്കുമാറും പ്രധാന വേഷത്തിലെത്തുന്നുണ്ട്.
#2pointO #2Point0Teaser mixed, masteted and delivered! Meet #Thalaivar @rajinikanth in the cinemas in 2days!
— resul pookutty (@resulp) September 11, 2018
നീരവ് ഷായാണ് ചിത്രത്തിന്റെ ഛായാഗ്രഹണം നിര്‍വ്വഹിച്ചിരിക്കുന്നത്. സംഗീതം എആര്‍ റഹ്മാനാണ്. 450 കോടി മുതല്‍ മുടക്കുള്ള ചിത്രം ഇന്ത്യയില്‍ ഏറ്റവും ഉയര്‍ന്ന മുതല്‍ മുടക്കില്‍ ചിത്രീകരിക്കുന്ന സിനിമയാണ്. തമിഴ്, തെലുങ്ക്, ഹിന്ദി ഭാഷകളിലെ പതിപ്പ് ഒരുമിച്ച് റിലീസ് ചെയ്യും. വിദേശ ഭാഷകളിലെ പതിപ്പുകളുടെ റിലീസ് പിന്നീടായിരിക്കും.
