മനില: ഫിലിപ്പീന്‍സ് തലസ്ഥാനമായ മനിലയിലുണ്ടായ ഇരട്ട സ്‌ഫോടനത്തില്‍ രണ്ടുപേര്‍ കൊല്ലപ്പെട്ടു. ആറുപേര്‍ക്ക് പരിക്കേറ്റു.
തലസ്ഥാനത്തെ പുരാതന നഗരത്തിലെ മുസ്ലീം ദേവാലയത്തിന് സമീപമാണ് ആദ്യ സ്‌ഫോടനമുണ്ടായത്. ഇതില്‍ രണ്ടുപേര്‍ മരിക്കുകയും നാലുപേര്‍ക്ക് പരിക്കേല്‍ക്കുകയും ചെയ്തു. രണ്ടര മണിക്കൂര്‍ കഴിഞ്ഞ് ഇതേ മേഖലയിലെ തിരക്കേറിയ സ്ഥലത്താണ് രണ്ടാമത്തെ സ്‌ഫോടനമുണ്ടായത്. രണ്ട് പൊലീസുകാര്‍ക്ക് ഇതില്‍ പരിക്കേറ്റു.
സ്‌ഫോടനത്തിന് പിന്നില്‍ ആരെന്ന് വ്യക്തമായിട്ടില്ലെങ്കിലും ക്രിമിനല്‍ സംഘങ്ങളെയാണ് സംശയിക്കുന്നതെന്ന് പൊലീസ് അറിയിച്ചു.
