ക്വറ്റ: പാക്കിസ്ഥാനിൽ ഡിഎസ്പിയുടെ വാഹനത്തിനു നേരെയുണ്ടായ ആക്രമണത്തില്‍ രണ്ട് പൊലീസ് ഉദ്യോഗസ്ഥർ കൊല്ലപ്പെട്ടു. ബലൂചിസ്ഥാനിലെ ക്വറ്റയില്‍ ഡിഎസ്പി ഹമീദുള്ള ദാസ്തിയുടെ വാഹനത്തിനുനേരെയാണ് അജ്ഞാതരായ തോക്കുധാരികൾ ആക്രമണം നടത്തിയത്.
മുഹമ്മദ് തെയർ , ആയുബ് ഷാ എന്നി പൊലീസുകാരാണ് കൊല്ലപ്പെട്ടതെന്നും, സംഭവത്തില്‍ അന്വേഷണം ആരംഭിച്ചതായും അധികൃതര്‍ അറിയിച്ചു. ഡിഎസ്പി ഹമീദുള്ള ദാസ്തി സുരക്ഷിതനാണ്.
ഈ മാസം 14ന് ക്വറ്റയില്‍ സുരക്ഷാ സേനയുടെ വാഹനത്തിനു നേരെയുണ്ടായ ആക്രമണത്തില്‍ നാല് ഉദ്യോഗസ്ഥര്‍ കൊല്ലപ്പെട്ടിരുന്നു.
