പെര്‍ത്ത്ന്മ ശിഖര്‍ ധവാനും കോഹ്‌ലിയും 74 റണ്‍സ് വീതം നേടിയപ്പോള്‍ വെസ്റ്റേണ്‍ ഓസ്‌ട്രേലിയ ടീമിനെതിരായ ട്വന്റി20 മല്‍സരത്തില്‍ 74 റണ്‍സ് വിജയത്തോടെ ഓസ്‌ട്രേലിയന്‍ പര്യടനത്തിലെ ആദ്യ മല്‍സരത്തില്‍ ഇന്ത്യ മികച്ച തുടക്കംകുറിച്ചു.
ഓസ്‌ട്രേലിയയുടെ ടോപ്‌സ്‌കോറര്‍ ട്രാവിസ് ബിര്‍ട്ട് നേടിയതും 74 റണ്‍സ്! ആദ്യം ബാറ്റ് ചെയ്ത ഇന്ത്യ നാലു വിക്കറ്റ് നഷ്ടത്തില്‍ 192 റണ്‍സെടുത്തു. വെസ്റ്റേണ്‍ ഓസ്‌ട്രേലിയയുടെ ഇന്നിങ്‌സ് ആറു വിക്കറ്റിനു 118 റണ്‍സില്‍ അവസാനിച്ചു.
നാലോവറില്‍ 24 റണ്‍സ് മാത്രം വിട്ടുകൊടുത്തു രണ്ടു വിക്കറ്റെടുത്ത ബരിന്ദര്‍ സ്രാന്‍ ബോളിങ്ങില്‍ തിളങ്ങി. വാക്കാ പിച്ചില്‍ ഓപ്പണര്‍ രോഹിത് ശര്‍മ ആറു റണ്‍സുമായി മടങ്ങിയപ്പോള്‍ രണ്ടാം വിക്കറ്റില്‍ 149 റണ്‍സെടുത്ത ശിഖര്‍ ധവാന്‍ കോഹ്‌ലി സഖ്യമാണു ടീമിനെ വന്‍ സ്‌കോറിലേക്കു നയിച്ചത്. നാലാം നമ്പരിലെത്തിയ ക്യാപ്റ്റന്‍ ധോണി 14 പന്തുകളില്‍ 22 റണ്‍സെടുത്തു മികച്ച ഫോമിലാണെന്നു തെളിയിച്ചു.
