കൊച്ചി: മുഷ്താഖ് അലി ട്വന്റി 20 ക്രിക്കറ്റ് ടൂര്‍ണമെന്റില്‍ കേരളം സൂപ്പര്‍ലീഗില്‍ കടന്നു. കളമശേരി സെന്റ് പോള്‍സ് ഗ്രൗണ്ടില്‍ നടന് മത്സരത്തില്‍ പഞ്ചാബിനെ അഞ്ചു വിക്കറ്റിന് അട്ടിമറിച്ചാണ് കേരളം ആദ്യമായി സൂപ്പര്‍ ലീഗില്‍ കടന്നത്.
പഞ്ചാബ് ഉയര്‍ത്തിയ 136 റണ്‍സിന്റെ വിജയലക്ഷ്യം കേരളം അഞ്ചു വിക്കറ്റ് നഷ്ടത്തില്‍ മറികടന്നു. 72 റണ്‍സെടുത്ത ഇന്ത്യന്‍ താരം സഞ്ജു വി.സാംസണിന്റെ പ്രകടനമാണ് കേരളത്തിന് വിജയം സമ്മാനിച്ചത്. ബി ഗ്രൂപ്പില്‍ കേരളത്തിന്റെ തുടര്‍ച്ചയായ അഞ്ചാം ജയമാണിത്.
