കൊളംബോ:നിദാഹാസ് ത്രിരാഷ്ട്ര ടി20 പരമ്പരയില്‍ ഇന്ത്യക്ക് തോല്‍വിയോടെതുടക്കം. ശ്രീലങ്ക അഞ്ച് വിക്കറ്റിനാണ് ഇന്ത്യയെ തോല്‍പിച്ചത്.
ഇന്ത്യ ഉയര്‍ത്തിയ 175 റണ്‍സെന്ന വിജയലക്ഷ്യം ലങ്ക 18.3 ഓവറില്‍ അഞ്ച് വിക്കറ്റ് നഷ്ടത്തില്‍ ലങ്ക മറികടന്നു. ശ്രീലങ്കയ്ക്കായി കുസാല്‍ പെരേര 66 റണ്‍സ് നേടി. കുസാല്‍ പെരേരയുടെ വെടിക്കെട്ട് ബാറ്റിങാണ് ലങ്കക്ക് വിജയം സമ്മാനിച്ചത്.
37 പന്തില്‍ നിന്ന് നാല് സിക്സറുകളും ആറു ബൗണ്ടറിയും അടങ്ങുന്നതായിരുന്നു കുസാല്‍ പെരേരയുടെ ഇന്നിങ്സ്. ഇടക്ക് വിക്കറ്റ് നഷ്ടമായെങ്കിലും റണ്‍റേറ്റ് താഴാതെ ബാറ്റ്സ്മാന്മാര്‍ നോക്കി. അവസാനത്തില്‍ തിസാര പെരേര(10 പന്തില്‍ 22)ദസുന്‍ ശനക(18 പന്തില്‍ 15) എന്നിവര്‍ വിജയത്തിലെത്തിക്കുകയായിരുന്നു. ഇന്ത്യക്കായി ചഹല്‍ രണ്ട് വിക്കറ്റ് വീഴ്ത്തി.
ആദ്യം ബാറ്റ് ചെയ്ത ഇന്ത്യ, ശിഖര്‍ ധവാന്റെ മികവിലാണ് മികച്ച സ്‌കോര്‍ പടുത്തുയര്‍ത്തിയത്. 49 പന്തില്‍ നിന്ന് ആറു വീതം സിക്സറുകളും ബൗണ്ടറികളും ഉള്‍പ്പെടെയായിരുന്നു ധവാന്റെ ഇന്നിങ്സ്.
