ജര്‍മനി:2019 ലെ ആദ്യമത്സരത്തിനിരങ്ങിയ നെയ്മറിനെ ആകാംഷയോടെ നോക്കി ആരാധകര്‍. പരിക്കിന് ശേഷം ഉണ്ടായ ഇടവേള കഴിഞ്ഞ് കളിക്കളത്തിലെത്തിയ നെയ്മറിനെ കണ്ട് മൊത്തത്തില്‍ ഒന്ന് ഞെട്ടിയിരിക്കുകയാണ് ആരാധകര്‍. കാരണം എന്തെന്നല്ലേ? … ആരാധകര്‍ കണ്ടത് നെയ്മറിന്റെ തീര്‍ത്തും വ്യത്യസ്തമായ ഹെയര്‍ സ്‌റ്റൈലായിരുന്നു. തന്റെ ഹെയര്‍ സ്‌റ്റൈല്‍ ഇടക്കിടെ മാറ്റാറുള്ള നെയ്മര്‍ ലോകകപ്പിന്റെ സമയത്ത് ചെയ്ത ഹെയര്‍ സ്‌റ്റൈല്‍ ഏറെ പരിഹസിക്കപ്പെട്ടിരുന്നു. ന്യൂഡില്‍സ് ഹെയര്‍ സ്‌റ്റൈല്‍ എന്നാണ് അന്ന് ഫുട്‌ബോള്‍ ഇതിഹാസം കാന്റോണ നെയ്മറിന്റെ ഹെയര്‍ സ്‌റ്റൈലിനെ വിശേഷിപ്പിച്ചത്.
എന്നാല്‍ ഇത്തവണ നെയ്മറിന്റെ ഹെയര്‍ സ്‌റ്റൈല്‍ അങ്ങനെ പരിഹസിക്കപ്പെടാന്‍ സാധ്യതയില്ല. കണ്ടത് മുതല്‍ നെയ്മര്‍ ആരാധകര്‍ ഈ ഹെയര്‍ സ്‌റ്റൈല്‍ ഏറ്റെടുത്തിട്ടുണ്ട്. ഇന്നലെ നാന്റെസിനെതിരെ കളിച്ച നെയ്മര്‍ ലഭിച്ച പെനാള്‍ട്ടി എമ്പപ്പെയ്ക്ക് കൈമാറിയും ആരാധകരുടെ പ്രശംസ നേടി. നെയ്മറിന്റെ 50ആമത്തെ പി എസ് ജി മത്സരമായിരുന്നു ഇത്.
