ആപ്പിളും സാംസങ്ങും സോണിയും അടക്കി ഭരിക്കുന്ന സ്മാര്‍ട്ട്‌ഫോണ്‍ വിപണിയില്‍ ശ്രദ്ധേയമായ മുന്നേറ്റം നടത്തുന്ന കമ്പനിയാണ് അസുസ്. ഇന്ത്യയിലും സജീവമായ അസുസ് 256 ജിബി ഇന്റേണല്‍ മെമ്മറി സ്മാര്‍ട്ട്‌ഫോണുമായി വിപണിയില്‍ വിപ്ലവം സൃഷ്ടിക്കാനൊരുങ്ങുകയാണ്. അസുസ് സെന്‍ഫോണ്‍ 2 ഡീലക്‌സ് എഡിഷനിലാണ് 256 ജിബി ഹാന്‍ഡ്‌സെറ്റ് ഇറക്കുന്നത്.
നിലവില്‍ ഒട്ടുമിക്ക വിലകൂടി ഫോണുകളിലും 64 ജിബി സ്റ്റോറേജാണ് ഉണ്ടാവുക. 128 ജിബി സ്റ്റോറേജിനു മുകളിലുള്ള ഫോണുകള്‍ വിപണിയില്‍ കുറവാണ്. എന്നാല്‍ മിക്ക ഫോണ്‍ ഉപയോക്താക്കളും ഈ സ്റ്റോറേജ് കൊണ്ട് തൃപ്തിപ്പെടുന്നില്ല. ഇത്തരക്കാരെ സന്തോഷിപ്പിക്കാനാണ് അസുസ് 256 ജിബി സ്റ്റോറേജ് ഫോണുമായി രംഗത്തുവരുന്നത്.
സെന്‍ഫോണ്‍ 2 ഡീലക്‌സിന്റെ 64 ജിബി, 128 ജിബി ഹാന്‍ഡ്‌സെറ്റുകള്‍ നേരത്തെ വിപണിയിലുണ്ട്. സെന്‍ഫോണ്‍ 2 ഡീലക്‌സില്‍ നാല് ജിബി റാമിന്റെ സേവനവുമുണ്ട്. 3000 എംഎഎച്ച് ബാറ്ററി ബാക്ക് അപ്പുള്ള 4ജി സെന്‍ഫോണ്‍ 2 ഡീലക്‌സില്‍ ആന്‍ഡ്രോയിഡ് 5 ലോലിപോപ്പാണ് ഒഎസ്. സെന്‍ഫോണ്‍ 2 ഡീലക്‌സ് ഫോണുകളുടെ വില 22,999 മുതല്‍ 29,999 രൂപ വരെയാണ്. എന്നാല്‍ 256 ജിബി ഹാന്‍ഡ്‌സെറ്റിന്റെ വില പുറത്തുവിട്ടിട്ടില്ല.
