മുംബെ:ഐപിഎല്‍ പതിനൊന്നാം സീസണ്‍ പ്ലേ ഓഫ് മത്സരങ്ങള്‍ ഇന്ന് ആരംഭിക്കും. ടൂര്‍ണമെന്റിലെ ഒന്നും രണ്ടും സ്ഥാനക്കാരായ സണ്‍ റൈസേഴ്സ് ഹൈദരാബാദും ചെന്നൈ സൂപ്പര്‍ കിംഗ്‌സും തമ്മിലാണ് മത്സരം. ഇന്ന് ജയിക്കുന്ന ടീമിന് നേരിട്ട് ഫൈനലിലേക്ക് പ്രവേശനം ലഭിക്കും. തോല്‍ക്കുന്ന ടീമിന് രണ്ടാമതൊരു അവസരം കൂടിയുണ്ടാകും. ഇതിനാല്‍ തന്നെ ഏഴാം ഫൈനലാണ് ചെന്നൈ ലക്ഷ്യം വെക്കുന്നത്.
രാത്രി ഏഴ് മണിക്ക് മുംബൈ വാങ്കഡെ സ്റ്റേഡിയത്തിലാണ് മത്സരം ആരംഭിക്കുന്നത്. ഇരു ടീമുകള്‍ക്കും 18 പോയിന്റ് വീതമാണ് ആദ്യ ഘട്ടത്തില്‍ ലഭിച്ചത്. നെറ്റ് റണ്‍റേറ്റിന്റെ വ്യത്യാസത്തില്‍ ചെന്നൈ രണ്ടാം സ്ഥാനത്തേക്ക് വീഴുകയായിരുന്നു.
