ന്യൂഡൽഹി: ഡൽഹിയിൽ വീട്ടുസാധനങ്ങളെന്ന പേരിൽ എത്തിയ പാർസലുകളിൽ 3 കോടിയിലധികം രൂപയുടെ ഐ ഫോണുകൾ പിടിച്ചെടുത്തു. 3.19 കോടി രൂപ വിലമതിക്കുന്ന 367 ഐ ഫോണുകളാണ് ഡൽഹിയിൽ നിന്നും കസ്‌റ്റംസ് പിടിച്ചെടുത്തതെന്ന് വാർത്താ ഏജൻസി റിപ്പോർട്ട് ചെയ്‌തു.
കൊവിഡ്-19 നിയന്ത്രണങ്ങൾ തുടരുന്നതിനിടെ , കൊറോണ വൈറസ് വ്യാപന പശ്ചാത്തലം മറയാക്കി വീട്ട്സാധനങ്ങൾ എന്ന പേരിൽ റിയാദിൽ നിന്ന് എത്തിയ എട്ട് പാർസലുകളിൽ നിന്നാണ് കോടിക്കടക്കണക്കിന് രൂപയുടെ ഫോണുകൾ പിടിച്ചെടുത്തത്. സംഭവവുമായി ബന്ധപ്പെട്ട് കൂടുതൽ വിവരങ്ങൾ പുറത്തുവന്നിട്ടില്ല.
രഹസ്യവിവരത്തെ തുടർന്ന് സ്‌പെഷ്യൽ ഇൻവെസ്‌റ്റിഗേഷൻ ആൻഡ് ഇൻ്റലിജൻസ് ബ്രാഞ്ചും (എസ്.ഐ.ഐ.ബി) എ.സി.സി എക്‌സ്‌പോർട്ട് കമ്മീഷണറും ചേർന്നാണ് ഫോണുകൾ പിടിച്ചെടുത്തത്. അന്വേഷണം ആരംഭിച്ചതായി ദേശീയ മാധ്യമങ്ങൾ റിപ്പോർട്ട് ചെയ്യുന്നു
