വളാഞ്ചേരി: മലപ്പുറം വളാഞ്ചേരിയിലെ കോട്ടപ്പുറത്തുണ്ടായ വാഹനാപകടത്തില്‍ മൂന്ന് മരണം. ഒരാള്‍ക്ക് പരിക്കേറ്റു. വളാഞ്ചേരി സ്വദേശികളായ ഫാസില്‍, മുഹമ്മദ് നൗഷാദ്, റംസീഖ് എന്നിവരാണ് മരിച്ചത്.
പുലര്‍ച്ചെ അഞ്ചരയോടെ റോഡരികില്‍ നിന്നവരുടെ ഇടയിലേക്ക് ലോറി പാഞ്ഞ് കയറുകയായിരുന്നു. ലോറിയുടെ അടിയിലകപ്പെട്ട മൂന്ന് പേരും തല്‍ക്ഷണം മരിച്ചു. പരിക്കേറ്റയാളുടെ നില അതീവ ഗുരുതരമാണ്. കോട്ടപ്പുറത്ത് സംഘടിപ്പിച്ച രാത്രികാല ക്രിക്കറ്റ് ടൂര്‍ണമെന്റിലെ കളിക്കാരും സംഘാടകരുമാണ് അപകടത്തില്‍ പെട്ടത്.
ഡ്രൈവര്‍ ഉറങ്ങിയതാണ് അപകട കാരണമെന്ന് പൊലീസ് അറിയിച്ചു.
