അസ്താന : കസാക്കിസ്ഥാനില്‍ ബസിന് തീപിടുത്തം. തീപിടുത്തത്തിൽ ബസ്സിലുണ്ടയിരുന്ന 52 പേര്‍ പൊള്ളലേറ്റ് മരിച്ചു. അഞ്ച് പേര്‍ മാത്രമാണ് അപകടത്തിൽ നിന്ന് രക്ഷപ്പെട്ടത്.ഉസ്ബെക്ക് പൗരന്‍മാരായിരുന്നു ബസ്സിൽ ഉണ്ടായിരുന്നത്.
ബസ്സിൽ 55 യാത്രക്കാരും രണ്ട് ഡ്രൈവര്‍മാരുമായിരുന്നു ഉണ്ടായിരുന്നത്. പരുക്കേറ്റവരെ ആശുപത്രയിൽ പ്രവേശിപ്പിച്ചു . എന്നാൽ ബസിന് തീപിടിക്കാനുണ്ടായ സാഹചര്യം വ്യക്തമായിട്ടില്ല. സംഭവത്തെ കുറിച്ച് അന്വേഷണം നടത്തുമെന്ന് അധികൃതർ അറിയിച്ചു.
